maandag 21 december 2015

Iërs waas d’r unne oproòp van Joep

Begin november kwaame d’r in twiëje streekblaedjes eine oproòp van Joep Dückers: ‘Is er belangstelling voor een Heemkundige Kring Blerick?’. Nou, die belangstelling leet neet lang op zich wachte. Auk gen wônder, de Feesboek-pagina: ‘Bliërick van vruueger en noow’ haet bijna 3000 leeje. Noow hebbe die zich gelökkig neet allemaol geliëk aangemeld, maar die hadde waal ut veurke behuuerlik aangewakkerd. D’r woord al op en neer gebeld en gemeeld, we môste maar us beejein gaon zitte met die van d’n Boôkend, Holt-Bliërick en Bliërick. Ut kôsde waal wat, maar Joep vônd d’n trouwzaal in ut Raodhoës de meis geschikde plaats.

Idderein waas welkom, auk die zich nog neet hadde aangemeld:

Geen opmerkingen:

Een reactie posten